Seo roinnt samplaí d’ainmneacha bhailte fearainn ó Chléire, Co. Chorcaí Ainm an Bhaile Fearainn Cur síos ar ainm an bhaile fearainn An t-Ardghort Is é seo ainm an bhaile fearainn agus ainm an ghoirt laistigh de. Ní léir cé acu ainm an bhaile fearainn a shíolraíonn ó ainm an ghoirt nó a mhalairt ach tá an bhrí féin soiléir – an gort ard, gort is ea páirc go bhfuil glasraí agus eile ag fás inti. Baile Iarthach Theas & Baile Iarthach Thuaidh An baile fearainn Iar-Dheisceartach agus an baile fearainn Iar-Thuascairteach (nó d’fhéadfaí áitreabh a bheith i gceist leis an bhfocal ‘baile’) Ceathrúna Roinnt talún atá i gceist leis an bhfocal seo. Cill Leice Fórabháin B’fhéidir gurbh é uaigh agus leac cuimhneacháin duine darbh Mac Fórabhán atá i gceist leis an ainm seo. Cnocán na mBairneach Bairnigh is ea na héisc bheaga a mhaireann i sliogáin a bhíonn greamaithe de charraigeacha cois farraige. Cnocán is ea cnoc beag. Cnocán an Choimhthigh D’fhéadfadh cnoc beag duine darbh ainm O’Cowhig (as Béarla) a bheith i gceist anseo nó d’fhéadfadh ‘strainséir’ a bheith i gceist leis. Coinlín Is é is brí leis seo ná gort go bhfuil an t-arbhar bainte de agus go bhfuil cuid bheag desna gais fós le feiscint ann. Crathach Thiar & Crathach Thoir Áit fhliuch cosúil le portach nó bogach, b’fhéidir, atá i gceist leis an ainm seo agus an treoir ‘thoir’ agus ‘thiar’ ag baint leisNó bh’fhéidr leis gurb é an cruth ciorcalach atá ar an gcnoc is mó sa dúíche is brí leis. Glean Iarthach, Gleann Méanach & Gleann Oirtheach Tá na logainmneacha seo soiléir go leor ó thaobh brí de. Gort na Lobhar Is é is dóíchí atá i gceist leis an ainm seo ná áit go mbíodh daoine ar coraintín inti go mbíodh galair thógálacha acu. Dealraíonn sé gurbh ó ainm goirt ar leith go bhfuil an t-ainmcéanna ag baint leis a shíolraíonn ainm an bhaile fearainn. Lios Ó Móine Áitreabh duine darbh ainm Mughain (as Béarla). Back to top of the Page